جولائی کے مہینے میں شام کے اندر 75 فلسطینی شہید

شام میں فلسطین ورکنگ گروپ کے جمع کردہ اعداد و شمار کے مطابق 75 فلسطینی جولائی کے مہینے میں شامی خانہ جنگی کی بھینٹ چڑھے۔

مرکز اطلاعات فلسطین کو ملنے والے ایک بیان میں کہا گیا ہے شہید ہونے والے دس فلسطینیوں کو شامی حکومت کی جیلوں میں تعذیب کا شکار بنا کر شہید کیا گیا جبکہ 13 افراد 24 جولائی کو حلب کے علاقے النیرب کیمپ پر جہاز گرنے کی وجہ سے شہید ہوئے، جہاز درعا کیمپ اور الیادودہ کے علاقوں کو بیرل بموں سے تباہی کے مشن پر تھا۔

ایک ایسی ہی



کارروائی میں دمشق کے نواح میں محاصرہ زدہ فلسطینی مہاجر کیمپ الیرموک میں کھانے کی چیزیں تقسیم کی جا رہی تھیں کہ عین اس موقع پر کیمپ پر گولا باری شروع ہو گئی جس سے کیمپ کے مختلف حصوں میں گرنے والے ہاون راکٹوں کی زد میں آ کر متعدد فلسطینی شہید ہوئے۔

ورکنگ گروپ کے مطابق الیرموک کیمپ کے باسیوں کی معاشی صورتحال انتہائی خراب ہے۔ علاقے میں بجلی کی فراہمی ایک سال سے بند ہے۔ نیز یہاں پر طبی سہولتوں کے فقدان کے باعث عوام میں خطرناک متعددی امراض پھیل رہے ہیں۔